കണ്ണൂരില്‍ നിന്ന് ചെറുകുന്നിലേക്ക് എന്റെ അഞ്ചുവയസ്സുകാരനുമായി ഒരു ബസ്സ് യാത്ര.
ബസ്സില്‍ കയറിയപ്പോള്‍ തന്നെ അവന് ആദ്യം ശ്രദ്ധിച്ചത് വിന്‍ഡൊയ്ക്ക് ഗ്ലാസില്ല എന്നതായിരുന്നു. ബസ്സ് നീങ്ങിതുടങ്ങിയതിന്‍ ശേഷം ഗ്ലാസില്ലാത്ത അതിവിശാലമായ ജനാലയിലൂടെ നേരിട്ട് വളരെ വ്യക്തമായി കാണുന്ന കാഴ്ചകള്‍ ദുബായിലേതില്‍ നിന്നും വളരെ വ്യത്യസ്ഥമാണല്ലോ.
“ഉപ്പാ, ഇതൊക്കെ കാണാനാ നമ്മള്‍ ബസ്സില്‍ പോകുന്നത്?”
“അതെ”
കുറച്ച് കഴിഞ്ഞ് ബസ്സിന്റെ വേഗത കൂടി (മരണപാച്ചിലാണ് ഈ റൂട്ടിലെ ബസ്സുകളുടെ ഒരു രീതി)
“വേഗം കാണിച്ച് തരാനാ ഇതു സ്പീഡില്‍ പോകുന്നത്?”
“അതെ” :)
“പക്ഷെ സ്പീഡില്‍ പോകുമ്പോള്‍ എനിക്ക് ശരിക്കും കാണാന്‍ പറ്റുന്നില്ല”
കുറച്ച് കഴിഞ്ഞ്
“ഉപ്പാ, നമ്മളെ എന്താ പോലീസ് പിടിക്കാത്തത്?”
“എന്തിനാ പോലീസ് പിടിക്കുന്നത്?”
“ബസ്സ് ഫാസ്റ്റില്‍ പോകുന്നതിന്”
No comments:
Post a Comment